Tu jaane mujhe itna sataati kyu hai,
Har roz mujhe rulaati kyu hai,
Har ek pal, har lamha tere sang hi chala hu,
Tu jaane fir mujhe itna aazmaati kyu hai,

Hain tu toh humraaz meri,
Fir aisi dushmani nibhaati kyu hai.

Jab bhi main maan jaata hu, tu rooth jaati kyu hai.
Sang in phoolo ke kaante chubhaati kyu hai.

Sunkar kuch meri aisi baatein zor se hasi aur woh boli,
Main toh zindagi hu,
Bekhabar hai tu kuch anjaam se,
Main toh tujhe bas jeene ka hunar sikhaati hun.