Written by Krishna Khanna Category: Kuch Kalam Se
Hits: 1112

Yeh daulat, yeh shauhrat, yeh naam, yeh rutba,
Mujhe sab viraasat mein mili hai,
Tumne abhi mere pairo ke chhale dekhe nahi hai.
Chaand dekha, chaandni dekhi, taare dekhe,
Anderi raat mein meri parchaai kabhi dekhi nahi hai.
Tumne samander dekha, kashti dekhi, kinaara dekha,
Is samander mein toofan abhi dekhe nahi hai.
Bulandi dekhi, hosle dekhe, jashn dekhe,
Tumne meri palko par kabhi moti dekhe nahi hai.