Written by Krishna Khanna Category: Kuch Kalam Se
Hits: 1351

Khwaishe tujhme bhi hai,
Chahatein mujhme bhi hai,

Khamoshi tujhme bhi hai,
Sannata mujhme bhi hai,

Kuch unkahi tujhme bhi hai,
Kuch unsuni mujhme bhi hai,

Kuch khamiya tujhme bhi hai,
Kuch galtiya mujhme bhi hai,

Kuch justju tujhme bhi hai,
Kuch aarzoo mujhme bhi hai,

Shikhayate tujhko bhi hai,
Ranjishe mujhme bhi hai,

Hunar tujhme bhi hai,
Ek junoon mujhme bhi hai,

Kuch ilzaam tujhpe bhi hai,
Kuch ilzaam mujhpe bhi hai,

Mausam badle to shajar se patte bichad gaye,
Gulshan bhi be-gul ho gaye,

Naye gulo ki umeed tujhko bhi hai,
Naye gulshan ki aas mujhko bhi hai,

Bhawro ki talaash tujhko bhi hai,
Titliyo ki talaash mujhko bhi hai.

Khwaishe tujhme bhi hai,
Chahatein mujhme bhi hai.